రేపటి నుండి ఇంగ్లాండ్ - ఇండియా ఫస్ట్ టెస్ట్

Posted: 07/08/2014 11:02 AM IST

ప్రపంచ కప్ గెలవడమే కాకుండా, అన్ని ఫార్మాట్లలో  నెంబర్ వన్ హోదా దక్కించుకున్న తరువాత అదే ఊపులో మూడేళ్ల క్రితం ఇంగ్లాండ్ లో అడుగుపెట్టిన టీం ఇండియాకి రెండు నెలల పాటు కఠిన పరీక్ష ఎదురైంది. ఆ పరీక్షలో ఒక్కసారి కూడా నెగ్గకుండా ఘోర పరాభవంతో స్వదేశానికి తిరిగి వచ్చింది. ఆ చేదు జ్ఞాపకాలు వారి మదిలో ఇంకా మిగిలే ఉన్నాయి.

ఇదంతా మూడేళ్ల క్రితం ఇంగ్లాండ్ లో జరిగిన సిరీస్ గురించే. ఆడిన అన్ని ఫార్మాట్లో ఓడిపోయి నెంబవన్ స్థానాన్ని, పరువు పోగొట్టుకొని ఏకంగా ఆటగాళ్ళు కెరీర్ కే ముప్పు తెచ్చుకున్నారు. ఆ పర్యటనలో విఫలం అయిన సీనియర్లంతా ఇప్పుడు జట్టులో లేరు అంతా యువ రక్తం నిండిన ఆటగాళ్ళే కానీ ఆ గడ్డ పై అనుభవం ఉన్నవారు మాత్రం కొద్ది మందే ఉన్నారు. గడిచిన మూడేళ్ళలో ఇండియా జట్టులో ఎన్నో మార్పులు చేర్పులు చోటు చేసుకున్నాయి.

అప్పటి దిగ్గజాలు అందరు జట్టును వదిలి వెళ్లిపోయారు. ఇప్పుడు కోహ్లీ, రహానె, పుజారా వంటి వాళ్లతో ఆ గడ్డ పై రేపటి నుండి రెండు నెలల పాటు టెస్టులు, వన్డేలు, టీ20 ఫార్మాట్లలో ఢీ కొనబోతుంది. మరి ఈసారైన ప్రత్యర్థుల్ని దెబ్బతీసి వారి పై ప్రతీకారం తీర్చుకుంటారో లేక మళ్ళీ చితికిల పడతారో చూడలి. ఇక మూడేళ్ళ క్రితం గట్టి దెబ్బకొట్టిన ఇంగ్లాండ్ పరిస్థితి ఈసారి అంతం మాత్రంగానే ఉంది. ఆ జట్టులో స్టార్ ఆటగాళ్ళయిన స్ట్రాస్, పీటర్సన్, స్వాన్ లాంటి వారు జట్టుకు దూరం అయ్యారు.

కొత్త కుర్రాళ్ళు జట్టులోకి వచ్చినా ఇంకా పూర్తి నైపుణ్యం సాధించలేదు. యాషెస్ సిరీస్ నుండి అంతంత మాత్రమే ప్రదర్శన చేస్తున్న ఇంగ్లాండ్ ను ఈసారి దెబ్బ కొట్టడానికి ఇండియాకు ఇదే సరైన సమయంగా చెప్పవచ్చు. రేటి నుండి నాటింగ్ హామ్ లో జరిగే మొదటి టెస్టుతో మనవాళ్ల ప్రదర్శన ఎలా ఉండబోతుందో తెలిసిపోనుంది.

Knr