కమలాపండులో దాగివున్న ఆరోగ్య ప్రయోజనాలు

Posted: 11/13/2015 12:35 PM IST

Orange fruit health benefits cancer disease home remedies

ప్రకృతి సహజంగా లభించే ఫ్రూట్స్ లో ఒకటైన కమలాపండులో శరీరానికి కావడంలో ఎన్నో పోషకాలు నిల్వవుంటాడు. అవి.. రకరకాల వ్యాధుల నుంచి పోరాడి, నిత్యం ఆరోగ్యంగా మెలిగేలా చేస్తాయని ఆరోగ్య నిపుణులు అంటున్నారు. ఈ కమలాపండును రెగ్యులర్ గా తీసుకుంటే.. క్యాన్సర్ వంటి హానికరమైన వ్యాధినే అడ్డుకట్ట వేయవచ్చునని చెబుతున్నారు. ఎందుకంటే.. ఈ పండ్లలో సిట్రస్ పాళ్లు ఎక్కువ మోతాదులో వుంటుంది. వీటిని తినడం వల్ల చర్మం, ఊపిరితిత్తులు, కడుపు, పేగుల్లో క్యాన్సర్‌ రాకుండా మనల్ని కాపాడుతుంది. అలాగే కమలాపండ్లను రసంతీసి తాగడం వల్ల కిడ్నీ జబ్బులు కూడా రావు. కిడ్నీల్లో రాళ్లు చేరే అవకాశం ఉంటే కమలాపండ్లు దాన్ని నిరోధిస్తాయి.

అంతేకాదు.. ఈ పండు కాలేయ క్యాన్సర్‌ను అరికడుతుంది. ఇంకా శరీరంలో కొవ్వు పేరుకోవడాన్ని ఇది అరికడుతుంది. కొలెస్టరాల్‌ పెరుగుదలను నిరోధించడంలో కమలాలు చాలా శక్తిమంతంగా పనిచేస్తాయి. కమలాపండ్లలో ఉండే ఫైబర్‌ జీర్ణశక్తిని మెరుగుపరిచి, ఆకలిని పుట్టిస్తుంది. హృదయస్పందనలకు అవసరమైన పొటాషియం, మెగ్నీషియం కమలాపండ్లలో పుష్కలంగా వుంటాయి. ఈ పండ్లు రక్తపోటును అదుపులోవుంచి, పల్స్‌ రేటులో హెచ్చుతగ్గులు రాకుండా చూస్తాయి. ఇందులో ఎక్కువగా ఉండే విటమిన్‌ సి వల్ల చర్మానికి కావలసిన జీవశక్తి లభిస్తుంది. చర్మకణాలు పాడవకుండా సి విటమిన్‌ కాపాడుతుందని వైద్యులు చెబుతారు. అలాగే వైరల్‌ ఇన్‌ఫెక్షన్‌ రాకుండా కమలాలు కాపాడుతాయి. శరీరంలోని మలినాలను శుద్ధిచేసి మనల్ని ఎల్లప్పుడూ ఉల్లాసంగా ఉంచే కమలాపండ్లను చక్కగా రోజూ తినడం వల్ల ఆరోగ్యాన్ని కాపాడుకోవచ్చని ఆరోగ్య నిపుణులు చెబుతున్నారు. అందుకే.. కమలాపండ్లు తినండి.. ఆరోగ్యంగా వుండండని అంటున్నారు.