Posted: 12/21/2012 05:36 PM IST

ఆమధ్య కాస్త మొహం చాటేసిన చలి ఇప్పుడు మళ్లీ మన్యాన్ని వెంటాడుతోంది. మంచును వెంటేసుకు వచ్చి జనాన్ని గజగజ వణికిస్తోంది. చలితీవ్రత నానాటికీ పెరుగుతోంది. రోజురోజుకూ ఉష్ణోగ్రతలు తగ్గిపోతున్నా యి. గురువారం లంబసింగిలో 3 డిగ్రీలు, చింతపల్లి, మినుములూరుల్లో 7 డిగ్రీల కనిష్ట ఉష్ణోగ్రతలు నమోద య్యాయి. మంచు దట్టంగా కురుస్తూ ఉండడంతో పాటు చలి గాలులు వీస్తున్నాయి. మినుములూరులో బుధవా రం 9 డిగ్రీలు ఉన్న ఉష్ణోగ్రత ఒక్క రోజు వ్యవధిలోనే రెండు డిగ్రీలు తగ్గింది.చింతపల్లి కన్నా లంబసింగి శీతల ప్రాంతం కావడంతో తక్కువ ఉష్ణోగ్రతలు నమోదవుతున్నా యని, రానున్న రోజుల్లో మరింత తగ్గిపోయే అవకాశం ఉందని చింతపల్లి ప్రాంతీయ వ్యవసాయ పరిశోధన స్థానం శాస్త్రవేత్త డి. శేఖర్ తెలిపారు. గత నెల 15న చింతపల్లిలో 6 డిగ్రీల ఉష్ణోగ్రత నమోదు కాగా, లంబసింగిలో 2 డిగ్రీలు నమోదయింది.

అప్పటి నుంచి నెల రోజుల పాటు తగ్గిన చలి మంగళవారం నుంచి మళ్ళీ తీవ్రరూపం దాల్చింది. మంగళవారం చింతపల్లిలో 8 డిగ్రీలు నమోదుకాగా, లంబసింగిలో 4 డిగ్రీలు నమోదయింది. గురువారం ఉష్ణోగ్రతలు మరింత దిగజారాయి. పాడేరు, జి.మాడుగుల, పెదబయలు, ముంచంగి పుట్టు, అరకులోయ ప్రాంతాల్లో కూడా చలి తీవ్రత అధికంగా ఉంది. మంచు వర్షం లా కురుస్తోంది. ఉదయం 10 గంటల వరకు వణికిస్తున్న చలితో జనజీవనం స్తంభిస్తోంది. పాఠశాలలకు వెళ్లే చిన్నారు లు, విద్యార్థులు తీవ్ర ఇబ్బందులు పడుతున్నారు. గిరిజన తండాల్లో జనం చలి మంటలతో ఉపశమనం పొందు తున్నారు. సాయం త్రం నాలుగు గంట లకే సూర్యుడు మబ్బుల చాటుకు జారు కుంటున్నాడు. చలిగాలులు వీస్తున్నాయి. దాంతో జనం రోడ్ల మీదకు రాలేని దుస్థితి. రాబోయే రోజుల్లో చలి తీవ్రతపై మన్యవాసులు మరింత బెంబేలెత్తు తున్నారు.