మంత్రి గంటా పై గంట మోగించిన ఉద్యోగులు?

Posted: 04/17/2013 04:28 PM IST

మంత్రి గంటాకు వ్యతిరేకంగా నినాదాలు చేశారు. కేంద్ర గ్రంథాలయ లీజు ఒప్పందం ‘అభివృద్ధి పేరుతో జరిగిన అక్రమణ’ అని పలువురు వ్యక్తలు ఆరోపించారు. రూ.45 కోట్ల విలువైన స్థలాన్ని నిబంధనలను అతిక్రమించి కారుచౌకగా నామమాత్రం రుసుముకు అప్పగించడం అనేక అనుమానాలకు తావిస్తోందని వారు అభిప్రాయపడ్డారు. ఒప్పంద కాలపరిమితి ముగిసి 6 నెలలు గడిచినా ఇక్కడ ఎలాంటి భవన నిర్మాణం జరగలేదని, కానీ స్థలం స్వాధీనం చేసుకునేందుకు అధికారులు ఎందుకు మీనమేషాలు లెక్కిస్తున్నారని ఆరోపిస్తూ, వారు ఆగ్రహం వ్యక్తం చేశారు.  జిల్లా కేంద్ర గ్రంథాలయ సంస్థ స్థలాన్ని వెంటనే ప్రభుత్వానికి అప్పగించాలని మంత్రి గంటా శ్రీనివాసరావుకు జిల్లా గ్రంథాలయం సంస్థ స్థల పరిరక్షణ కమిటీ సభ్యులు బహిరంగ లేఖ రాశారు. కమిటీ దండుబజార్ గ్రం థాలయ స్థల ఆవరణలో నిరసన చేపట్టింది. పట్టభద్రుల ఎమ్మెల్సీ ఎంవీఎస్ శర్మ, సీపీఐ నాయకుడు జేవీ సత్యనారాయణమూర్తి, సీపీఎం నాయకుడు గంగారావు, ఏయూ మాజీ వీసీ ఆచార్య కేవీ రమణ, సంస్థ ఉపాధ్యక్షుడు బీఎల్ నారాయణతో పాటు పలువురు మేధావులు, విద్యావేత్తలు నిరసన పాల్గొని ప్రసంగించారు.