Posted: 05/07/2012 03:12 PM IST

వరంగల్ జిల్లా పరకాల నియోజక వర్గంలో టిడిపి శ్రేణులను మోహరింపజేయాలని నిర్ణయించారు. టిడిపి అధ్యక్షుడు చంద్రబాబుతో తెలంగాణ టిడిపి నేతల సమావేశం జరిగింది. పరకాల నియోజక వర్గంలోని ఒక్కో మండలానికి నలుగురు ఎమ్మెల్యేలను ఇన్‌చార్జ్‌లుగా నియమించాలని నిర్ణయించారు. మొత్తం 16 మంది ఎమ్మెల్యేలు పరకాల ఇన్‌చార్జ్‌లుగా ఉంటారు. వీరితో పాటు అదనంగా రాష్ట్ర నాయకులు పలువురు నియోజక వర్గంలో బాధ్యతలు నిర్వహిస్తారు. పరకాలలో టిడిపి విజయం సాధించి తీరుతుందని తెలంగాణ టిడిపి ఫోరం కన్వీనర్ ఎర్రబెల్లి దయాకర్‌రావు తెలిపారు. పరకాలలో టిఆర్‌ఎస్, బిజెపిల బలం అంతంత మాత్రమేనని విజయం టిడిపిదేనని అన్నారు. టిఆర్‌ఎస్ ఇప్పటి వరకు అభ్యర్థిని ప్రకటించే స్థితిలో లేదని విమర్శించారు. జెఎసి ఉమ్మడి అభ్యర్థిని నిలబెట్టాలని కోరారు. అలా నిలబెడితే టిడిపి తప్పుకుంటుందని తెలిపారు. పరకాల టికెట్ అమ్ముకోవాలని కెసిఆర్ ప్రయత్నిస్తున్నారని ఆరోపించారు.