Posted: 05/07/2012 02:46 PM IST

ఇంటిల్లిపాది చూసే టీవీల్లో ఇక నుంచి వేళాపాళా లేకుండా ఏ సినిమా పడితే ఆ సినిమా వేసేందుకు వీలుండకపోవచ్చు..! టీవీల్లో ప్రసారం చేసే సినిమాలకు కూడా యూ/ఏ సర్టిఫికెట్ ఇచ్చేందుకు కేంద్ర ప్రభుత్వం కసరత్తు చేస్తోంది. ఇటీవల ‘డర్టీ పిక్చర్’ ప్రసారం వివాదాస్పదమైన నేపథ్యంలో కేంద్రం ఈ నిర్ణయానికి వచ్చినట్లు తెలుస్తోంది. థియేటర్లలో ప్రసారానికి ‘ఏ’(పెద్దలకు మాత్రమే) సర్టిఫికెట్ పొందిన ఏ సినిమా అయినా సరే సెంట్రల్ బోర్డ్ ఆఫ్ సెన్సార్ సర్టిఫికేషన్(సీబీఎఫ్‌సీ) నుంచి యూ/ఏ సర్టిఫికెట్ అందుకున్న తర్వాతే బుల్లితెరలో ప్రసారానికి కేంద్రం అనుమతించనుంది. అది కూడా రాత్రి 11 తర్వాతే ప్రసారం చేసేలా నిబంధనలు విధించేందుకు సిద్ధమవుతోంది.