Posted: 07/04/2012 12:54 PM IST

ప్రముఖ తెలుగు ఛానల్ అయిన జీ తెలుగులో ప్రసారం అయ్యే ఆట ప్రోగ్రాం అంటే దాదాపు తెలియని వారు ఉండరు. ఈ ఆట-5 ప్రోగ్రాంలో పాల్లొని అద్బుతమైన ఫెర్ఫామెన్స్ తో, బుల్లి బుల్లి మాటలతో ప్రేక్షకుల మనస్సు దోచుకొని ఆ షో విన్నర్ గా గెలిచిన గీతిక మనందరికి గుర్తుండే ఉంటుంది. ఈ చిన్నారి ఈ వాళ ఉదయం ఘోర రోడ్డు ప్రమాదానికి గురయ్యింది. ఒంగోలు జిల్లా, గుడ్లూరు మండలం, చాగల్లులో జరిగిన ఈ ప్రమాదంలో గీతికకు తీవ్ర గాయాలు అయ్యాయి. గీతిక తో పాటు ఆమె తండ్రి, డ్రైవర్ కి కూడా గాయాలు అయ్యాయి. వీరు గురుపౌర్ణమి వేడుకల్లో పాల్గొని వస్తుండగా కారు రోడ్డు డివైడర్ ని ఢీకొనడంతో ఈ ప్రమాదం జరిగినట్లు తెలుస్తుంది. వీరిని ఒంగోలు లో ఓ ప్రైవేటు ఆస్పత్రికి తరలించి చికిత్స అందిస్తున్నారు. ఈ సంఘన పై పోలీసులు కేసు నమోదు చేసుకొని దర్యాప్తు చేస్తున్నారు. మనందరిని అలరించిన గీతిక త్వరగా కోలుకోవాలని ఆశిద్దాం.