Posted: 07/21/2012 05:17 PM IST

 చైనాను వరదలు మంచెత్తాయి. ఏకధాటిగా కురుస్తున్న వర్షాలు బీభత్సం సృష్టించాయి. మొత్తం ఏడు ఫ్రావిన్సులు జలవిలయానికి కుదేలయ్యాయి. సుమారు 70లక్షల మంది ప్రభావితమయ్యారు. జనజీవనం స్తంభించింది. రవాణ, విద్యుత్ వ్యవస్థలు పూర్తిగా దెబ్బతిన్నాయి. ఎక్కడికక్కడ రోడ్లు నీటిలో కొట్టుకుపోయాయి. ఊళ్లకు ఊళ్లకు నీట మునిగాయి. లక్షలాది మంది జనం సురక్షిత ప్రాంతాలకు తరలిపోతున్నారు. పెద్ద పెద్ద వాహనాలు నీటిలో తేలుతూ కనిపించాయి. అటు రైతాంగం కూడా తీవ్రంగా నష్టపోయింది. చేతికి అందివచ్చిన పంట.. వరద నీటిలో కొట్టుకుపోయింది. దీంతో రైతులు దిక్కుతోచని పరిస్థితుల్లో పడిపోయారు. మరో మూడు రోజులు పరిస్థితి ఇలాగే ఉంటుందని, ఆ తర్వాత వర్షాలు తగ్గుముఖం పడతాయని.. స్థానిక వాతావరణ శాఖ అధికారులు చెబుతున్నారు.