Posted: 07/21/2012 07:50 PM IST

ఆంధ్రప్రదేశ్ పీపీసీ అధ్యక్షుడు బొత్సా సత్యనారాయణ తెలంగాణకు మద్దతు తెలిపారు. మొన్న జరిగిన రాష్ట్రపతి ఎన్నికల పై అధిష్టానానికి నివేధిక ఇచ్చేందుకు ఢిల్లీ వెళ్ళిన ఆయన మీడియాతో మాట్లాడారు. హిందీ మాట్లాడటానికి 13 రాష్ట్రాలు ఉన్నప్పుడు తెలుగు వారికి రెండు రాష్ట్రాలు ఉంటే తప్పుంటని ఆయన పరోక్షంగా తెలంగాణ పై వ్యాఖ్యానించారు. కాంగ్రెస్ అధిష్టానం తెలంగాణ పై దృష్టి సారించిందని, త్వరలోనే నిర్ణయం తీసుకుంటుందని ఆయన భావిస్తున్నట్లు చెప్పారు. త్వరలోనే తెలంగాణ పై నిర్ణయం తీసుకోవాలని అధిష్టానానికి సూచించారు. రాష్ట్ర విభజనపై పార్టీ అధిష్టానం, కేంద్ర ప్రభుత్వం ఏ నిర్ణయం తీసుకున్నా దానికి కట్టుబడి ఉంటానని ఆయన చెప్పారు. రాష్ట్ర మంత్రివర్గ విస్తరణపై తనకు ఏ విధమైన సమాచారం లేదని, దానిపై ఎఐసిసి కార్యదర్శి కెబి కృష్ణమూర్తే చెబుతారని ఆయన అన్నారు.