Posted: 08/06/2012 09:17 PM IST

హర్యానా మాజీ ముఖ్యమంత్రి కుమారుడు, మాజీ ఉప ముఖ్యమంత్రి చందర్ మోహన్ రెండో భార్య  ఫిజా ఆకా అనురాధా బాలి మోహాలీలోని తన ఇంట్లో ఫ్యాన్ కి ఉరేసుకొని ఆత్మహత్య చేసుకుంది. ఈ విషయం ఆలస్యంగా వెలుగులోకి వచ్చింది. వివరాల్లోకి వెళితే... హర్యానా మాజీ ముఖ్యమంత్రి భజన్ లాల్ కుమారుడు చందర్ లాల్ ఈమెను 2008లో రెండో పెళ్ళి చేసుకున్నాడు. ఓ సంవత్సరం పాటు ప్రశాంతంగా సాగిన వీరి సంసార జీవితంలో కలతలు వచ్చాయి. 2009 లో ఈమె ఆత్మహత్యా యత్నానికి ప్రయత్నించింది. దాని తరువాత చందర్ మోహన్ మూడుసార్లు ‘తలాఖ్ ’ అని మెసేజ్ చేసినట్లు సమాచారం.

ఆ తరువాత చందర్ మోహన్ మొదటి భార్య దగ్గరికి వెళ్లిపోడంతో ఫిజా ఆకా అనురాధా ఒంటరిగానే ఉంటుంది. మొదటి భార్య దగ్గరకు వెళ్లి పోవడంతో మనస్థాపం చెందే ఆత్మ హత్య చేసుకుందని పోలీసులు ప్రాథమిక దర్యాప్తులో తేలింది. సూసైడ్ నోట్ ఏదీ సంఘటనా స్థలంలో కనిపించలేదు. ఫిజా శరీరం కుళ్లిపోయిన స్థితిలో ఉండటంతో ఆత్మహత్య జరిగి రెండు మూడు అయిఉండవచ్చని పోలీసులు చెబుతున్నారు.