రామయ్య ప్రమాణంలో అపశ్రుతి

Posted: 05/13/2013 06:10 PM IST

మొన్న జరిగిన కర్ణాటక అసెంబ్లీ ఎన్నికల్లో కాంగ్రెస్ పార్టీ ఘన విజయం సాధించిన విషయం తెలిసిందే. ఆ రాష్ట్ర ముఖ్యమంత్రిగా ఎన్నికయిన సిద్దరామయ్య ఈ రోజు ఉదయం బెంగుళూరులో కంఠీరవ క్రీడా మైదానంలో గవర్నర్ భరద్వాజ్ ఆయన చేత ప్రమాణ స్వీకారం చేయించారు. రాష్ట్ర రాజధాని బెంగళూరులో జరిగిన ఈ ప్రమాణ స్వీకార కార్యక్రమానికి భారీ సంఖ్యలో కాంగ్రెసు నేతలు, కార్యకర్తలు తరలి వచ్చారు. మొదట నిర్ణయించిన ముహూర్థం ప్రకారం సిద్ధరామయ్య 28వ ముఖ్యమంత్రిగా పదకొండు గంటల నలభై నిమిషాలకు ప్రమాణ స్వీకారం చేశారు. ఈ కార్యక్రమానికి ఏఐసిసి ఉపాధ్యక్షులు రాహుల్ గాంధీ తో పాటు పలువు కాంగ్రెస్ నేతలు హాజరయ్యారు.

కానీ ఈ ప్రమాణ స్వీకారంలో చిన్న సంఘటన చోటు చేసుకుంది. కార్యక్రమం అంతా అయిపోయిన తరువాత కార్యకర్తలు ఒక్కసారిగా బయటకు వెళ్లే సమయంలో గేట్లు చిన్నగా ఉండటంతో తొక్కిసలాట జరిగింది. ఈ ఘటనలో నంజప్పతో సహా నలుగురు గాయపడ్డారు. నంజప్పను ఆసుపత్రికి తరలించారు. చికిత్స పొందుతూ ఇతను మృతి చెందాడు. ప్రమాణ స్వీకారం రోజు ఇలా జరిగినందుకు సిద్ధ రామయ్య విచారం చేశాడు.