టిడిపి పై గాదె విభజన దెబ్బ

Posted: 10/12/2013 03:56 PM IST

కాంగ్రెస్ పార్టీ సినియర్ నాయకుడు గాదె వెంకటరెడ్డి తెలుగుదేశం పార్టీ పై మండిపడ్డారు. తెలుగు దేశం పార్టీ వలనే.. తెలుగు జాతి రెండుగా విడిపోతుందని అన్నారు. రాష్ట్రాన్ని విభజించమని ఒక్క తెలుగుదేశం పార్టీ మాత్రమే అఖిలపక్షంలో నివేదిక ఇచ్చిందని గాదె వెంకటరెడ్డి అన్నారు. విభజనకు అనుకూలంగా లేక ఇచ్చిన టిడిపి, ఇప్పుడు ఢిల్లీలో కొత్త నాటకం ఆడుతుందని అన్నారు. అసెంబ్లీకి తెలంగాణ తీర్మానం పంపుతామన్న హైకమాండ్.... ఇప్పుడు కేవలం డ్రాప్ట్ బిల్లు వస్తుందనటం సమంజసం కాదన్నారు. ఇలా గందరగోళం సృష్టించటం ప్రజలను మోసం చేయటమేనన్నారు. ఇప్పటికైనా కేంద్రం స్పష్టత ఇవ్వాలని గాదె డిమాండ్ చేశారు. ముసాయిదా బిల్లుపై ఓటింగ్ లేకపోయినా అభిప్రాయాలు ఉంటాయన్నారు. అసెంబ్లీ అభిప్రాయాన్ని కాదని రాష్ట్రాన్ని విభజిస్తే అది అప్రజాస్వామికమేనని గాదె అన్నారు.