తెలంగాణ ఓ కుట్ర : డి. శ్రీనివాస్

Posted: 12/02/2013 06:37 PM IST

తెలంగాణ ఓ కుట్ర అని మాజీ పీసీసీ చీఫ్ డి.శ్రీనివాస్ మండిపడ్డారు. అంటే తెలంగాణ పై కాదులేండి.. ఆయన మండిపడింది రాయల తెలంగాణ పై. అయితే ఇప్పుడు తెలంగాణ కాంగ్రెస్ నాయకులకు అంతు చిక్కని ప్రశ్న. అసలు రాయల తెలంగాణ ప్రతిపాదనను ఎవరు తెరపైకి తెచ్చారు. కాంగ్రెస్ హైకమాండ్ తెలంగాణ ప్రక్రియను పక్కన పెట్టి, రాయల తెలంగాణ పై ఎందుకు ఆశక్తి చూపుతుందని తెలంగాన కాంగ్రెస్ నేతలు బుర్రలు పగలకొట్టుకుంటున్నారు.. ఎప్పుడు రాష్ట్ర విభజన పై దూకుడుగా ప్రకటన చేసే దిగ్విజయ్ సింగ్ సైతం .. సైలెంట్ గా తన పని తాను చేసుకొని పోతున్నాడు.. ఎవరైన తెలంగాణ విషయం గురించి అడిగితే.. నాకేం తెలియదని నవ్వుతూ సమాధానం చెబుతున్నారు.

 

రాయల తెలంగాణ పై డి, శ్రీనివాస్ మండిపడ్డారు. కొత్త ప్రతిపాదనల వెనుక కొన్ని శక్తులు ఉన్నాయని, అలాంటి వాళ్ళ ఆశలు నెరవేరవని, రాయల తెలంగాణ ప్రచారం ఓ కుట్ర అని డి. శ్రీనివాస్ పేర్కొన్నారు. 2014 లోపు తెలంగాణ రాష్ట్రం తప్పక ఏర్పడుతుందని తెలిపారు. పది జిల్లాల తెలంగాణనే కావాలని డీఎస్ పేర్కొన్నారు. కాంగ్రెస్ నిర్ణయం తీసుకున్నాక ప్రత్యామ్నాయాలను ఆలోచించదని ఆయన తెల్చి చెప్పారు. అసెంబ్లీలో మెజార్టీ అవసరం లేదని, అభిప్రాయం చాలని డి. శ్రీనివాస్ తెలిపారు. అసెంబ్లీలో మెజార్టీకి, తెలంగాణ బిల్లుకు సంబంధం లేదని ఆయన పేర్కొన్నారు.

 

రాయల తెలంగాణ ప్రక్రియ తెరపైకి రావటంతో.. టీఆర్ఎస్ నాయకులు కొంచెం ఆనందంగా ఉన్నట్లు కనబడుతుది. తెలంగాణ కాంగ్రెస్ నాయకులే.. కొంచెం మీడియా ముందు హాడవుడి చేస్తున్నారు. అయితే ఢిల్లీ పెద్దలు మాత్రం రాయల తెలంగాణ పై ద్రుష్టి పెట్టినట్లు సమాచారం.