ఎపీఎన్జీఓల ‘ఛలో అసెంబ్లీకి ’ అనుమతి

Posted: 01/21/2014 08:34 PM IST

ఆంధ్రప్రదేశ్ పునవ్యస్థీకరణ బిల్లును వ్యతిరేకిస్తూ ఏపీ ఎన్జీఓలు ఈనెల 22వ తేదీన ‘ఛలో హైదరాబాద్ ’అసెంబ్లీ ముట్టడికి పిలుపునిచ్చిన విషయం తెలిసిందే. ప్రస్తుతం అసెంబ్లీ సమావేశాలు జగుతున్న నేపథ్యంలో ఈ ముట్టడికి పోలీసులు అనుమతి ఇవ్వలేదు. కానీ గత కొద్ది సేపటి క్రితం పోలీసులు షరతలతో కూడిన అనుమతి ఇచ్చారు.

దీంతో ఏపీఎన్జీఓలు శాంతి యుతంగా ధర్నా చేసేందుకు సమాయత్తం అవుతున్నారు. అంతకు ముందు ఏపీ ఎన్జీఓ సంఘం అధ్యక్షుడు అశోక్ బాబు మాట్లాడుతూ ఛలో హైదరాబాద్ కార్యక్రమాన్ని ఎట్టి పరిస్థితుల్లోనైనా జరిపి తీరుతామని, మేం ఈ కార్యక్రమాన్ని శాంతియుతంగా చేస్తామని, ఎటువంటి నష్టం వాటిల్లబోనీయమని, తాము నిర్వహిస్తున్నది ధర్నా మాత్రమేనని చెప్పారు. చివరి నిమిషంలో అనుమతి రావడంతో ఎపీఎన్జీవోలు సంతోషం వ్యక్తం చేస్తున్నారు.