అబ్బా.., ఏం సెప్తిరి, ఏం సెప్తిరి !

Posted: 12/29/2014 09:06 AM IST

భారత దేశం ప్రజాస్వామిక దేశం. ఇందుకు అనేక అర్థాలు ఉన్నాయి.. ఉదాహరణలూ చాలానే ఉన్నాయి. తాజాగా తెలంగాణ మండలి చైర్మన్ స్వామిగౌడ్ కొత్త పరమార్ధం చెప్పారు. భారతదేశంను ఎందుకుప్రజాస్వామిక దేశం అనాలో ఆయన వివరించారు. తాను ఎమ్మెల్సిగా, మహ్మద్ అలీ డిప్యూటీ సీఎంగా, ప్రధానిగా నరేంద్రమోడి ఉండటం అంటేనే దేశంలో ప్రజాస్వామ్యం ఉందని స్పష్టం చేస్తోందన్నారు. అదెలా సాధ్యమో వివరణ కూడా ఇచ్చారు.

అటెండర్ గా జీవితం ప్రారంభించిన తాను ఇవాళ మండలికి చైర్మన్ కావటంతో పాటు.. పాలు అమ్మిన మహ్మద్ అలీ డిప్యూటీ సీఎం అయ్యాడు. అదేవిధంగా ఛాయ్ అమ్మిన నరేంద్రమోడి  దేశానికి ప్రధాని అయ్యాడు. ఇవన్నీ ప్రజాస్వామ్యదేశంలోనే సాధ్యం అని చెప్పాడు. మిగతా తరహా ప్రభుత్వాలు అమల్లో ఉండే దేశాల్లో ఇది సాధ్యం కాదన్నారు. గొప్పవారంతా ఒకప్పుడు తిప్పలు పడ్డవారే అని దీన్నిబట్టి అర్థం చేసుకోవచ్చు. ఇక దేశం గురించి అంటారా.., ఎన్ని అవినీతి ఆరోపణలు వచ్చినా.., శిక్షలు పడినా ఎన్నికల్లో పోటి చేసి ప్రజలను ఏలే అవకాశం, అధికారం ఇచ్చేది కూడా మన ప్రజాస్వామ్యమే. ఇందుకు గర్వించాలా..., బాధపడాలా..?

 

 

కార్తిక్