పేర్వారం రాములుకు నామినేటెడ్ పోస్ట్

Posted: 12/29/2014 10:01 AM IST

తెలంగాణ లో పదవుల పంపిణీ జోరుగానే సాగుతోంది. ఇప్పటికే పలు నామినేటెడ్ పోస్టులను భర్తీ చేసిన తెలంగాణా ప్రభుత్వం త్వరలో మరి కొన్ని నామినేటెడ్ పోస్టులను భారతి చేయనున్నట్లు తెలుస్తుంది. కొందరు రాజకీయ నిరుద్యోగులు ఈ పదవుల కోసం, కెసిఆర్ చుట్టూ తిరుగుతున్నారు. ఇందులో కొందరు మాజీ ఎం.ఎల్.ఏ లు కూడా ఉన్నట్లు సమాచారం. కొందరు బహిరంగంగానే తమకు ఈ పలానా నామినేటెడ్ పోస్ట్ కావాలని, ఉద్యమం కోసం ఎంతో కష్ట పడ్డామని కనీసం ఇప్పుడు కూడా పదవి రాకుంటే ప్రజల్లోకి ఏ విధంగానూ వెళ్ళలేమని కెసిఆర్ దగ్గర వాపోతున్నట్లు తెలుస్తుంది.

మళ్ళి ఇప్పుడు తాజాగా టూరిజం కార్పొరేషన్ చైర్మన్ గా మాజీ డిజిపి పేర్వారం రాములును నియమించవచ్చని సమాచారం. గతంలో ఉమ్మడి రాష్ట్రంలో ఎపిపిఎస్సి చైర్మన్ గా రాములు పనిచేశారు. కొంతకాలం టిడిపిలో ఉండి, ఆ తర్వాత టిఆర్ఎస్ లో చేరారు. టిఆర్ఎస్ లో చేరిన పలువురు బ్యూరోకాట్రకు ఇప్పటికే పదవులు వచ్చాయి. రమణాచారి, విద్యాసాగరరావు, గోయల్ తదితరులు వీరిలో ఉన్నారు. తాజాగా రాములుకు కూడా అవకాశం వచ్చింది.

హరికాంత్