పాకిస్థాన్ కు బాసటగా నిలిచిన మోదీ

Posted: 05/13/2015 03:49 PM IST

పాకిస్థాన్ లో కరాచి వద్ద బస్సుపై ఉగ్రవాదుల దాడిపై భారత ప్రధాని నరేంద్ర మోదీ స్పందించారు. ఈ ఘటనను నరేంద్ర మోదీ అత్యత దారుణమైన ఘటనగా పేర్కొంటూ తన ట్విట్టర్ ఖాతాలో ట్వీట్లు చేశాడు.  ఉగ్ర కాల్పుల్లో మృతిచెందినవారి కుటుంబాలకు ప్రగాఢ సానుభూతి వ్యక్తం చేశారు. ఆసుపత్రిలో చికిత్స పొందుతున్న క్షతగాత్రులు త్వరగా కోలుకోవాలని ఆకాంక్షించారు. ఇలాంటి విపత్కర సమయంలో పాకిస్థాన్ ప్రజలకు అండగా ఉండాలని  పిలుపునిచ్చారు. ఈ ఉదయం కరాచీలోని సఫోరా గోథ్ ప్రాంతంలో షియా వర్గంవారు ప్రయాణిస్తోన్న బస్సుపై తెహ్రీక్- ఏ- తాలిబన్ ఉగ్రవాదులు కాల్పులు జరిపారు. ఈ  ఘటనలో 16 మంది మహిళలు సహా 47 మంది దుర్మరణం చెందారు. దీంతో పాకిస్థాన్ ప్రభుత్వం దేశవ్యాప్తంగా హై అరెర్ట్ ప్రకటించింది.

*అభినవచారి*