కాల్ మనీలో చంద్రబాబు డబ్బులు ..?

Posted: 12/16/2015 10:01 PM IST

చంద్రబాబు నాయుడు.. దేశంలో చతురత కలిగిన నాయకుడు.. దేశ రాజకీయాల్లో చాణిక్యుడు ఇలా ఎంతో మంది చెబుతుంటారు. కానీ అలాంటి చంద్రబాబు నాయుడు చేస్తున్న తప్పులు కనిపించకుండా.. మీడియా మేనేజ్ మెంట్ బాగా చేస్తారని బాగా పరిశీలించే వారికి మాత్రమే అర్థమవుతుంది. తాజాగా కాల్ మనీ వ్యవహారంలో చంద్రబాబు నాయుడు కనీసం ఒక్కసారి కూడా నోరుమెదపలేదు. తన మీద, తన ప్రభుత్వం మీద దుమ్మెత్తిపోస్తున్నా కానీ చంద్రబాబు నాయుడు మాత్రం మీడియా ముఖంగా ఎలాంటి ప్రకటన చెయ్యలేదు... కానీ ఎందుకు ఇలా జరగుతోంది. చంద్రబాబు ఎందుకు సైలెంట్ గా ఉన్నారు అంటే అది మాత్రం జవాబు లేని ప్రశ్నే.

Also Read: కాల్ మనీ కేటుగాళ్లకు చంద్రబాబు అభయం..? 
Also Read: చంద్రబాబుకు బ్యాడ్ టైం.. కారణం అదే 

అయితే చంద్రబాబు నాయుడు మీద విమర్శల వర్షం కురుస్తోంది. చంద్రబాబు నాయుడు మరియు లోకేష్ లు కలిసి కాల్ మనీలో పాలుపంచుకున్నారని కొంత మంది విమర్శిస్తున్నారు. రాష్ట్ర వ్యాప్తంగా తీవ్ర సంచలనానికి కారణమైన కాల్ మనీ వ్యవహారంలో చంద్రబాబు నాయుడు ప్రమేయం ఉందని ప్రతిపక్షాలు మండిపడుతున్నాయి. కాల్ మనీలో చంద్రబాబు నాయుడు డబ్బులు ఉన్నాయని ప్రతిపక్షనేత జగన్ ఆరోపించారు. ప్రస్తుతం ఏపిలో మాఫియా ను ప్రోత్సహించేలా ప్రభుత్వం వ్యవహరిస్తోందని జగన్ వెల్లడించారు.

Also Read: కాల్ మనీ వివాదంపై కదిలిన జనసేన 
Also Read: కోరిక తీరిస్తే... వడ్డీ కట్టేందుకు గడువు పెంచుతాడట..! 

కాల్ మనీ వ్యవహారంలో చంద్రబాబు ఎందుకు నోరు మెదపడం లేదు.. కాల్ మనీ నిర్వాహకులతో తెలుగుదేశం నాయకులు సంబందాలు కలిగి ఉన్నారని క్లీయర్ గా అర్థమైంది. అయినా కూడా దాన్ని ఖండించరూ.. కనీసం వివరణ కూడా ఇవ్వరు. ఎందుకంటే దాని మీద వివరణ ఇవ్వడానికి.. మాట్లాడటానికి యనమల లాంటి వాళ్లు ముందుంటారు. ఆడవాళ్లకు మా ప్రభుత్వంలో పూర్తి రక్షణ ఉందంటూ ఊదరగొట్టే చంద్రబాబు నాయుడు అదే మహిళలు.. కన్నీరు పెట్టుకుంటూ.. పుట్టెడు దు:ఖంతో తమ గోడు వెల్లగక్కుతున్నా.. నిమ్మకు నీరెత్తినట్లు ఎందుకు వ్యవహరిస్తున్నారు. చంద్రబాబు నాయుడు తన మందీమాగదులను కాపాడుకోవడానికి ప్రయత్నిస్తున్నారు.. తప్ప. ప్రజలకు కలుగుతున్న ఇబ్బందుల గురించి పట్టించుకోవడం లేదని క్లీయర్ గా అర్థమవుతోంది.

*అభినవచారి*