తెలంగాణ చిన్నమ్మ.. భారతీయు పాలిట పెద్దమ్మ

Posted: 10/28/2017 04:26 PM IST

అపదో వున్నవారికి అభయహస్తాన్ని అందించేకేంద్ర మంత్రులలో సుష్మాస్వరాజ్ తరువాతే ఎవరైనా అని చెప్పడంలో అతిశయోక్తి లేదు. ఇంకా చెప్పాలంటే భారతీయులకు భారతమాత తరువాత ఆ స్థానంలో నిలిచేలా తన సహాయక చర్యలతో చేసుకుంది సుష్మాస్వరాజ్. ఓ వైపు అమె అనారోగ్యంతో అసుపత్రిలో వున్నా.. తన శాఖకు సంబంధించిన పనులను మాత్రం సవ్యంగా కొనసాగేలా చర్యలు తీసుకున్నారు. ఆర్తులకు సకాలంలో ఆపన్న హస్తం అందించి తానేంటో మరోసారు నిరూపించుకున్నారు కేంద్రమంత్రి సుష్మా స్వరాజ్.
 
కౌలాలంపూర్ విమానాశ్రయంలో చిక్కుకున్న ఓ భారతీయ కుటుంబానికి అవసరమైన సహాయం అందేలా చేశారు. ‘‘సుష్మా స్వరాజ్ గారూ! మా కుటుంబం మలేసియా విమానాశ్రయంలో ఉంది. వాళ్ళ పాస్‌పోర్టులు పోయాయి. వారాంతం కావడంతో భారతీయ దౌత్య కార్యాలయం మూసివేసి ఉంది. దయచేసి సహాయపడండి’’ అని మీరా రమేశ్ పటేల్ ఓ ట్వీట్‌లో విదేశాంగ మంత్రి సుష్మా స్వరాజ్‌ను కోరారు.
 
దీనిపై సుష్మా స్వరాజ్ వెంటనే స్పందించారు. ‘‘మలేసియాలోని ఇండియన్ ఎంబసీ : ఇది ఎమర్జెన్సీ కేసు. దయచేసి ఎంబసీని తెరిచి, భారతీయ కుటుంబానికి సహాయపడండి’’ అని ట్వీట్ చేశారు. దీంతో మలేసియాలోని ఇండియన్ ఎంబసీ అధికారులు ప్రతిస్పందించి, ఆ కుటుంబంతో మాట్లాడామని, సమస్యను పరిష్కరిస్తున్నామని ట్వీట్ చేశారు. సుష్మా స్వరాజ్ అమెరికాలో చదువుతున్న విద్యార్థిని అనూష ధూళిపాళకు కూడా సహాయపడ్డారు. అనూష ఓ ట్వీట్‌లో తన పాస్‌పోర్టు పోయిందని, సహాయపడాలని కోరారు.