జగన్ బలం పై కాంగ్రెస్ దెబ్బ

Posted: 07/04/2013 08:44 PM IST

రాష్ట్రంలో రాజకీయాల్లో జాతీయ పార్టీ కాంగ్రెస్ బలం కంటే.. ప్రాంతీయ పార్టీ అయిన వైఎస్ఆర్ కాంగ్రెస్ పార్టీకి బలం పెరుగుతుంది. ఎన్నికల సమయం దగ్గరపడుతున్న కొద్ది వైఎస్ఆర్ కాంగ్రెస్ పార్టీ బలం పుంజుకుంటుంది. కాంగ్రెస్ పార్టీ అధిష్టానం ద్రుష్టి వైఎస్ జగన్ పార్టీ సర్వేల లిస్టు ప్రతిరోజు ఫ్యాక్స్ రూపంలో వెలుతున్నట్లు సమాచారం. వైఎస్ఆర్ కాంగ్రెస్ పార్టీ పై సర్వేల రిపోర్టు చూసిన కాంగ్రెస్ పార్టీ అధిష్టానానికి నిద్రపట్టడం లేదు. జగన్ జైల్లో ఉన్నప్పటికి పార్టీకి పెరుగుతున్న బలం చూసి.. కాంగ్రెస్ అధిష్టానానికి కన్నుకుట్టింది. సర్వే రిపోర్టులు రోజు రోజుకు వైసీపీ పెరుగుదలను ఏమిటో సోనియాగాంధీకి, రాహుల్ గాంధీకి చూపుతున్నాయి. ఎలాగైన జగన్ బలంపై దెబ్బ కొట్టలనే ఉద్దేశంతో కాంగ్రెస్ పార్టీ రెఢీ అవుతుంది. అందుకే రాయల్ తెలంగాణ పేరును తెరపైకి తెచ్చినట్లు సమాచారం. రాయల తెలంగాణ విషయంలో కాంగ్రెసు అధిష్టానం ఆలోచనలకు భిన్నమైన ఫలితాలు వచ్చే సూచనలు కనిపిస్తున్నాయి. తెలంగాణ పది జిల్లాలతో రాయలసీమలోని కర్నూలు, అనంతపురం జిల్లాలను కలిపి రాయల తెలంగాణ రాష్ట్రాన్ని ఏర్పాటు ప్రతిపాదనను కాంగ్రెసు అధిష్టానం ముందుకు తెచ్చినట్లు ప్రచారం సాగుతూ వస్తోంది. వైయస్సార్ కాంగ్రెసు పార్టీ అధ్యక్షుడు వైయస్ జగన్ బలాన్ని చీల్చే ఉద్దేశంతో రాయల తెలంగాణ రాష్ట్ర ఏర్పాటుకు కాంగ్రెసు అధిష్టానం మొగ్గు చూపుతున్నట్లు విస్తృతంగానే ప్రచారం సాగుతోంది. అయితే, రాయల తెలంగాణ ఇస్తే రెండు ప్రాంతాల్లోనూ వైయస్ జగన్ ఆధిపత్యం ప్రదర్శించే అవకాశాలున్నాయని రాజకీయ ప్రచారం జరుగుతుంది. ప్రజాభిప్రాయ సేకరణ చేసి, అందుకు అనుగుణంగా ఏ విధమైన ఫలితాలు వచ్చే అవకాశం ఉందనే విషయంపై ఒక రిపోర్టు బయట హల్ చల్ చేస్తుంది. రాయల తెలంగాణ ఇస్తే వైయస్ జగన్ ఈ కొత్త రాష్ట్రంలో 60 నుంచి 80 దాకా శాసనసభా స్థానాలను గెలుచుకునే అవకాశాలుంటాయని అంచనా వేసింది. రాయల తెలంగాణ వల్ల కాంగ్రెసు పార్టీకి ఎదురు దెబ్బ తగులుతుందని వ్యాఖ్యానించింది. పది జిల్లాలతో కూడిన తెలంగాణ ఇస్తే కాంగ్రెస్ కు ప్రయోజనం ఉంటుందని తేల్చింది. ఈ రకమైన తెలంగాణ రాష్ట్ర ఏర్పాటు వల్ల తెలంగాణలో కాంగ్రెసు పార్టీ, సీమాంధ్రలో వైయస్ జగన్ నాయకత్వంలోని వైయస్సార్ కాంగ్రెసు పార్టీ ప్రయోజనం పొందుతాయని వ్యాఖ్యానించింది.