తీర్మానానికి కట్టుబడి ఉన్నాం-సీమాంద్ర నేతలు

Posted: 10/03/2013 05:52 PM IST

Seemandhra leaders meet on cm kiran telangana note

తీర్మానానికి కట్టుబడి ఉన్నామని సీమాంద్ర నేతలు అంటున్నారు. ఇది రాజకీయాలు చేసే సమయం కాదని, రాష్ట్ర ఐక్యత కోసం అన్ని అంశాల్లో నిజాయతీగా ఉంటున్నామని మంత్రి శైలజానాథ్ అన్నారు. మంత్రుల నివాస ప్రాంగణంలో సీమాంద్ర నేతలు సమావేశం అయ్యి మూడు తీర్మానాలు చేసినట్లు తెలిపారు. అగస్టు 3న చేసిన తీర్మానానికి అనుగుణంగా సమైక్యానికే కట్టుబడాలని నిర్ణయించామని , అప్పటివరకు ప్రక్రియను ఆపాలని కోరుతున్నామని ఆయన చెప్పారు. శాసనసభ ముందుకుతెలంగాణ తీర్మానం వస్తే ఓడించాలని నిర్ణయించామన్నారు. ముఖ్యమంత్రి వద్దకు వెళ్లి అన్ని విషయాలు చర్చించాలని సమావేశంలో నిర్ణయించామని శైలజానాథ్ తెలిపారు. సమైక్యాంద్ర వాదాన్ని సీఎం బలంగా వినిపిస్తున్నారని, ఆయన్ను బలోపేతం చేయాలని నిర్ణయించామన్నిరు. అంతకు ముందుకు మాట్లాడిన మంత్రి టీజీ వెంకటేష్ తమ అభిప్రాయాలను అధిష్టానానికి చెప్పాలని ముఖ్యమంత్రిని కలిసి కోరనున్నట్లు తెలిపారు. సమావేశం అనంతరం ముఖ్యమంత్రిని కలిసేందుకు నేతలంతా బయలుదేరి వెళ్లారు. 14 మంది మంత్రులు, 37 మంది ఎమ్మెల్యేలు, 11 మంది ఎమ్మెల్సీలు సమావేశానికి హాజరయ్యారు.

కలిసి పనిచేద్దాం

రాష్ట్రాన్ని సమైక్యంగా ఉంచేందుకు వివాదాలు లేకుండా కలసి పనిచేద్దామని ముఖ్యమంత్రి కిరణ్ కుమార్ రెడ్డి తనతో సమావేశమైన సీమాంద్ర నేతలతోచెప్పినట్లు సమాచారం. రాజీనామా వంటి నిర్ణయాలతో విభజన ప్రక్రియ సులువు అవుతుందని , ఇవాళ క్యాభినెట్ నోట్ వస్తుందన్న సమాచారం లేదని సీఎం చెప్పినట్లు తెలుస్తోంది. క్యాబినెట్ నోట్ అసెంబ్లీ తీర్మానం కోసం వస్తే ఓడించి పంపుదామని సీఎం చెప్పినట్లు సీమాంద్ర కాంగ్రెస్ నేతలు చెప్పారు.