నన్ను అరెస్ట్ చేస్తే.. టీఆర్ఎస్ కి అదే ఆఖరి రోజు : బాబు

Posted: 06/10/2015 01:30 PM IST

తెలుగు రాష్ట్రాల మధ్య తీవ్ర దుమారానికి కారణమైన ఫోన్ ట్యాపింగ్ వ్యవహారం చివరికి ఢిల్లీకి చేరింది. ఈ నేపథ్యంలో ఢిల్లీలో వున్న ఏపి సీఎం చంద్రబాబు నాయుడు అక్కడ మీడియాతో ఈ ట్యాపింగ్ వ్యవహారంపై మాట్లాడారు. తనను అరెస్టు చెయ్యాల్సి వస్తే మాత్రం తెలంగాణలో ప్రభుత్వం కూలిపోతుందని చంద్రబాబు హెచ్చరించారు. తెలంగాణ ముఖ్యమంత్రి కేసీఆర్ రాజకీయాలు చేస్తున్నారని అన్నారు.

అలాగే.. ఆడియో టేపుల వ్యవహారంలో తానెందుకు సమాధానం చెప్పాలి ఆని ఆయన ప్రశ్నించారు. ఆయన లేదా ఛానెల్ నా సంభాషనలను రికార్డు చేసి వుండొచ్చు.. లేదా సృష్టించి వుండొచ్చు. ఈ విషయంలో నేనెందుకు సమాధానం చెప్పాలి?’ అని ఆయన అన్నారు. టిఆర్ఎస్ పార్టీ, ఆ పార్టీ ఛానల్ తన గురించి ఏదేదో ప్రచారం చేస్తున్నాయని వాటి మీద తాను వివరణ ఇవ్వాల్సిన అవసరం లేదని వెల్లడించారు.

ప్రస్తుతం రెండు రాష్ట్రాల మధ్య సంబంధాలు మరింత బలంగా వుండేందుకు తాను చేపట్టిన చర్యలను చూసి ఓవర్లేక కేసీఆర్ తనపై రాజకీయ దాడులు చేస్తున్నారని బాబు ఆరోపించారు. ‘మనం రెండు రాష్ట్రాలుగా మారాం. మనం తప్పనిసరిగా సహాయ సహాకారాలు అందించుకుంటూ ఇరురాష్ట్రాలను అభివృద్ధి పథంలో నడిపించాలని ఎన్నోసార్లు చెప్పినా.. కేసీఆర్ అందుకు సహకరించడం లేదు’ అని పేర్కొన్నారు.

ఇక తెలంగాణలోని తన పార్టీ ఎమ్మెల్యేలను కొనుగోలు చేసి.. వారికి మంత్రి పదవులు ఇచ్చింది కేసీఆరేనని ఆయన ఆరోపించారు. అయితే ఈ ఎపిసోడ్ గమనిస్తున్న వారు మాత్రం చంద్రబాబు నాయుడు అరెస్టు కన్ఫర్మ్ అయ్యింది కాబట్టే  ఆయనలా మాట్లాడుతున్నారని కొందరు అనుకుంటున్నారు. మొత్తానికి ఈ వ్యవహారం ఎన్ని వివాదాలకు దారితీస్తుందో వేచి చూడాల్సిందే