Posted: 04/24/2012 01:47 PM IST

               పాపం...  ఎన్ని సినిమాలు చేసినా, ఎంత విభిన్నంగా నటించినా విజయం అన్నది తన దరి చేరకపోవడంతో నందమూరి తారకరత్న, ఇప్పుడు తన శైలి మార్చి కామెడీ పంథాకు వచ్చాడు. వీరు కె దర్శకత్వంలో చేస్తున్న చిత్రంలో నాటకాలరాయుడి పాత్ర పోషిస్తున్నాడు. ఈ సినిమాకి 'మైక్ టెస్టింగ్ 143' అని పేరు పెట్టారు. తారకరత్న పాత్ర కామెడీగా సాగుతుంది కాబట్టి, ఆయన గెటప్ కూడా మార్చారు. అసలు గుర్తుపట్టలేనంతగా తన హెయిర్ స్టయిల్ మార్చేసుకున్నాడు.
           ఈ సినిమాలో అర్చన  కథానాయికగా నటిస్తోంది. మరో కథానాయికను ఎంపిక చేయాల్సి వుంది. నాటకాలు, రికార్డింగు డ్యాన్సులు, సినిమాలు నేపథ్యంలో ఈ చిత్ర కథ సాగుతుంది. నిన్నటి నుంచి ఈ సినిమా షూటింగు హైదరాబాదులో జరుగుతోంది. ఈ సినిమాలో కీలక భాగం షూటింగును కొడైకెనాల్ లో చేస్తామని దర్శకుడు చెప్పారు. ప్రముఖ దర్శకులు  శ్రీను వైట్ల క్లాప్ కొట్టి షూటింగ్ ప్రారంభించారు. మరి, ఇదైనా తారకరత్నకు టర్నింగ్ పాయింట్ అవ్వాలని కోరుకుందాం.. ఆల్ ద బెస్ట్ తారక రత్న...ఆ చిత్ర ఓపెనింగ్ పిక్స్ మీకోసం...

....avnk