Posted: 04/23/2012 06:45 PM IST

               తెలుగు చిత్ర సీమలో పవర్ స్టార్ స్టామినా సామాన్య మైనది కాదు. ఎన్ని చిత్రాలు అపజయం పాలైనా కాని.. అతని ఇమేజ్ యూత్ లో సుస్థిరం. ఈ మధ్య సరైన హిట్ ఏమీ లేకపోయినప్పటికీ, ఏ సినిమాకాసినిమా బిజినెస్ పరంగా హాట్ కేక్ లానే కొనసాగుతుంది.  ప్రస్తుతం విడుదలకు రెడీ అవుతున్న 'గబ్బర్ సింగ్' కూడా బయ్యర్లకు అలానే కనిపిస్తోంది. ఈ సినిమాకు సంబంధించి, కేవలం థియేటర్ హక్కుల నుంచే నిర్మాతకు 32 కోట్ల వరకు వచ్చిందట. శాటిలైట్ రైట్స్ వంటివి కలుపుకుంటే నలభై కోట్ల వ్యాపారం చేసిందని బిజినెస్ వర్గాల సమాచారం. ఇదిలా ఉండగా,  ఈ చిత్రానికి పవన్ కల్యాణ్ పారితోషికం తీసుకోలేదనీ, లాభాల్లో 50 శాతం వాటాను తన పారితోషికంగా వుంచుకున్నారనీ అంటున్నారు. ఆ విధంగా ఆయన పారితోషికం మినహాయించి చూస్తే, మొత్తం సినిమాకు ఖర్చు 18 నుంచి 20 కోట్ల వరకు అయ్యుంటుందని అంచనా. ఆ ప్రకారం బిజినెస్ జరగడాన్ని పరిగణలోకి తీసుకుంటే, ఇప్పటికే పవన్ వాటాగా 10 కోట్లు వచ్చేసిందని చెబుతున్నారు. ఒకవేళ రేపు సినిమా పెద్ద హిట్టయితే, మరింత డబ్బు పవన్ ఖాతాలోకి వస్తుంది. ఇప్పటికే ఈ సినిమా విజయం మీద చిత్ర సీమలో అందరికీ ధీమా కనిపిస్తోంది. విడుదలయ్యాక సైతం అందరి నమ్మకాలను నిలబెట్టాలని ఆశిద్దాం.

....avnk