Posted: 06/21/2012 07:50 PM IST

      జరిగిందేదో జరిగిపోయిందనుకుంటే.. ఆనాటి గుర్తులు మాత్రం అందాల భామ నయన్ ను ప్రభుదేవా రూపంలో వెంటాడుతూనే ఉన్నాయి. వీరికి సంబంధించి  కచ్చితమైన కారణాలేంటో తెలియదు కానీ.. పెళ్లిదాకా వచ్చిన నయనతార-ప్రభుదేవా బంధం పెళ్లికి ముందే పెటాకులైంది. విడిపోయిన తర్వాత నయన తన చేతిపై వేయించుకున్న ప్రభుదేవా టాటూను ప్లాస్టిక్ సర్జీరీ ద్వారా తుడిచేయించుకుంటుందని అందరు భావించారు. అయితే తాను ప్లాస్టిక్ సర్జరీ చేయించుకోవడం లేదని, ఆ టాటూనే తొలగించుకోవడం లేదని, అలాగని ప్రభుదేవాతో మళ్లీ కలిసే ప్రసక్తి కూడా లేదని స్పష్టం చేసింది. ఏ కారణంతో ఆ టాటూ అలానే ఉంచుకుందో తెలియదు కానీ. పబ్లిక్ ఫంక్షన్లకు హాజరైనప్పుడు దాన్ని కనిపించకుండా కవర్ చేసుకుంటూ వస్తోంది. ఇటీవల హైదరాబాద్‌లో అవార్డుల ఫంక్షన్ జరినప్పుడు హాజరైన నయనతార ఆ టాటూ కవర్ అయ్యేలా డ్రెస్ చేసుకోవడమేకాదు. చున్నీతో కూడా దాన్ని కనిపించకుండా చేసే ప్రయత్నం చేసింది. అది మళ్లీ మీడియా కంట పడితే దాని గురించి రచ్చ రచ్చ చేస్తారనే భయంతోనే నయన ఇలా చేసినట్లు స్పష్టం అవుతోంది. ఇదీ నయన్ పరిస్థితి. 'పచ్చబొట్టు చెరిగిపోదులే..' ఇది ఒకప్పటి పాట. ఇప్పుడు నయనతార పరిస్థితి కూడా అంతే.

...avnk