Posted: 07/02/2012 03:23 PM IST

      టాలీవుడ్ లోనే కాదు అటు బాలీవుడ్ లోనూ చకచకా సినిమాలు చేసేస్తోన్న రానా దగ్గుబాటి తాజాగా ఉగ్రరూపం దాల్చిన నరసింహస్వామి అవతారం ఎత్తాడు. క్రిష్ దర్శకత్వంలో రూపొందుతున్న 'కృష్ణం వందే జగద్గురుం' చిత్రం కోసం రానా ఈ వేషం వేశాడు. ఈ సినిమాలో ఒక పాటలో హీరో ఉగ్ర నరసింహస్వామి రూపంలో కనిపించాలట. అందు కోసం రానా ఈ గెటప్ వేశాడు. ఈ వేషంలో రానా అద్భుతంగా ఉన్నాడనీ, సినిమాలో ఇది ఓ హైలైట్ అవుతుందనీ చిత్ర వర్గాల సమాచారం. ఈ గెటప్ కి సంబంధించిన షూటింగును ఇటీవలే హైదరాబాదులో చిత్రీకరించారు.
    కాగా, ఈ సినిమాకు సంబంధించిన షూటింగు సగ భాగం పూర్తయింది. రానా సరసన నయనతార ఇందులో కథానాయికగా నటిస్తోంది. దీనికి మణిశర్మ సంగీతాన్ని సమకూరుస్తున్నాడు.  ఇప్పటివరకూ గమ్యం, వేదం వంటి విలక్షణ చిత్రాలను రూపొందించిన  క్రిష్ దర్శకత్వంలో తెరకెక్కుతోన్న ఈ సినిమా మీద హై ఎక్స్ పెక్టేషన్స్ ఉన్నాయి.

...avnk