Posted: 02/12/2013 11:00 AM IST

‘మిర్చి ’ సినిమాతో దర్శకుడిగా మారి తన మొదటి సినిమాతోనే మంచి పేరు తెచ్చుకున్న రచయిత కొరటాల శివ తన తరువాత సినిమాని ప్రముఖ నిర్మాతగా మారిన బండ్ల గణేష్ బేనర్లో, స్టార్ హీరోతో ఉంటుందని ప్రకటించిన విషయం తెలిసిందే. అయితే మరి ఆ స్టార్ హీరో ఎవరు ? అని ఫిలింనగర్ జనాలు ఆరాతీయగా, ఈ సినిమాలో మెగా పవర్ స్టార్ రామ్ చరణ్ తేజ్ ని హీరోగా తీసుకుంటున్నారని, కొరటాల శివ స్టోరీ రామ్ చరణ్ కి నచ్చిందని అందుకే అతనే ఫైనల్ గా ఈ సినిమాలో నటించబోతున్నాడని అంటున్నారు.  రామ్ చరణ్ కూడా శివ సినిమాలో చేయడానికి పచ్చజెండా ఊపినట్లు సమాచారం. ఇతర నటీనటులు, సాంకేతిక నిపుణులను  ఇంకా ఖరారు చేయలేదు. కాగా బండ్ల గణేష్ ఆ మధ్య ‘ టపోరి ’ అనే టైటిల్ ని రిజిష్టర్ చేయించాడు. ఆ టైటిల్ రామ్ చరణ్ కోసమే చేయించాడని సినీ జనాలు అనుకుంటున్నారు.