యాంకరమ్మను లైన్లో పెట్టిన సింగర్

Posted: 11/28/2013 05:44 PM IST

ప్రస్తుతం యువ గాయని, గాయకులకు సినిమాల్లో సరైన అవకాశాలు లేక ఖాళీగా ఉంటున్నారో, ఖాళీగా ఉండి ఏం చేయాలో పాలుపోక ప్రేమల్లో మునిగితేలుతున్నారు. ఇప్పటి వరకు హేమచంద్ర-శ్రావణ భార్గవి, మాళవిక- కృష్ణ  చైతన్య ప్రేమ వివాహాలు చేసుకోగా, మరో గాయని గీతా మాధురి నటుడు నందుతో పీకల్లోతు ప్రేమలో మునిగి ఇటీవలే నిశ్చితార్థం చేసుకొని త్వరలో పెళ్ళి పీటలు ఎక్కబోతున్న విషయం తెలిసిందే.

ఇప్పుడు మరో గాయకుడు అయిన కృష్ణ చైతన్య కూడా ఓ ఇంటివాడు కావడానికి రెడీ అవుతున్నాడు. సూపర్ సింగర్ సీరీస్ ద్వారా బాగా పాపులర్ అయిన కృష్ణ చైతన్య కూడా గతకొంత కాలంగా టీవీ యాంకర్ మృదులతో మధురంగా ప్రేమ వ్యవహారం నడిపిస్తున్నాడని టాక్.

ఎప్పటి నుండో నడుస్తున్న వీరి ప్రేమ వ్యవహారం బయటకి రావడంతో పెద్దలు కూడా అంగీకరించినట్టు సమాచారం. త్వరలోనే వీరిద్దరు కూడా పెళ్ళి పీటలు ఎక్కబోతున్నారని అంటున్నారు. ఇలా వరుసపెట్టి సింగర్స్ ప్రేమల్లో మునిగి తేలుతుండటం చూసిన జనాలు వీళ్ళలో వీళ్ళు పనిబాగానే కానిస్తున్నారని అంటున్నారు.