పైటేసినప్పుడే ఆయన ప్రేమలో పడిపోయా! తమన్నా

Posted: 07/17/2014 10:47 AM IST

Tamanna bhatia affair with bollywood hero akshay kumar

టాలీవుడ్ మిల్కీ బ్యూటీ తమన్నా ఈమధ్యకాలంలో నోరు ఎక్కువగా పారేసుకుంటున్నట్టు కనిపిస్తోంది. లేనిపోని వ్యాఖ్యానాలు చేస్తూ.. అందరినీ ఆలోచనల్లో పెట్టేస్తోంది. తాజాగా ఓ హీరోతో లవ్ లో ఫుల్లుగా మునిగిపోయానంటూ మీడియావారికి సందేశాన్నిచ్చి.. మరోసారి వార్తల్లో నిలిచిపోయింది. గతంలో బాలీవుడ్ డైరెక్టర్ సాజిద్ ఖాన్ తో తమన్నాకు అఫైర్ నడస్తున్నట్లు ఎన్నో వార్తాకథనాలు వచ్చిన అనంతరం... ఇప్పుడు తాజాగా తన పర్సనల్ అఫైర్ గురించి బయటపెట్టి, సంచలనం సృష్టించింది.

ప్రస్తుతం తమన్నా బాలీవుడ్ లో నటిస్తున్న మూడో చిత్రం ‘‘ఇట్స్ ఎంటర్ టైన్ మెంట్’’. ఈ సినిమాకు సంబంధించిన కొన్ని విశేషాలు చెబుతూ.. అందులో హీరోగా పాత్ర పోషిస్తున్న అక్షయ్ కుమార్ గురించి బాగానే పొగిడేసింది. సినిమా షూటింగ్ నేపథ్యంలో వారిద్దరు కలిసి గడిపిన మంచి క్షణాల గురించి మాట్లాడుతూ... అక్షయ్ కుమార్ చాలా స్పోర్టివ్ గా వుంటాడని, యాక్టింగ్ లో వున్న లోపాలను సవరించి నేర్పించేవాడని ఒక రేంజిలో పొగిడేసింది.

‘‘అక్షయ్ కుమార్ ను మొదట్లో యాక్షన్ సినిమాల్లో చూసి ఫ్యాన్ అయిపోయాను. ఆయన్ను ఒక యాక్షన్ హీరోగా చూడటం అలవాటయిపోయింది. కానీ ‘‘ధడ్కన్’’ లాంటి రొమాంటిక్ సినిమాలో ఆయన్ను ఒక కొత్త అవతారంలో చూడగానే ప్రేమలో పడిపోయా. అసలు బాలీవుడ్ ఇండస్ట్రీలో అతనిలాంటి డేరింగ్, పర్సనాలిటీ గల హీరోలు ఎవ్వరూ లేరు. ఆయనకు ఆయనే సాటి. అతని గురించి ఎంత చెప్పినా చాలా తక్కువే. ఐ లవ్ అక్కి’’ అంటూ అందరి ముందు విచ్చలవిడిగా తన మనసులోని భావాలను పంచుకుంది.

అంతేకాదు.. అక్షయ్ కు, తనకూ మధ్య వున్న పోలికలను పోల్చుకుంటూ కొన్ని పర్సనల్ విషయాలను కూడా బయటపెట్టేసింది. అక్కి కూడా తనలాగే తెల్లవారుజామునే లేస్తాడని, ఇద్దరి పేర్లు భాటియానే అని చెప్పింది. అతని కలిసి పనిచేయడం ఎంతో ఆనందంగా వుందంటూ ముగించేసింది. ఈ మాటలు విన్న సదరు విశ్లేషకులు ఇటు టాలీవుడ్, బాలీవుడ్ లో సినిమా ఆఫర్లు తగ్గిపోయిన ఈ అమ్మడు, అక్షయ్ ను బుట్టలో పడేసి, తిరిగి ఆఫర్లు సంపాదించుకోవడం కోసమే ఇలా మాట్లాడుతోందని పెదవి విరుస్తున్నారు.

గతంలో కూడా తమన్నా డైరెక్టర్ సాజిద్ ఖాన్ పై ఇలాంటి కామెంట్లు చేసి బుక్కయ్యింది. ఆ తరువాత అతనిని అన్నయ్య అని బహిరంగంగా అందరి ముందు చెప్పినా... దానిని అంతగా పట్టించుకోలేదు. వీరిమధ్య ఎపైర్లు మరీ ఎక్కువగా పెరిగిపోతున్నాయనే వార్తలు పుకార్లు చేసుకుంటూ చక్కర్లు కొట్టాయి. ఇప్పుడు తాజాగా అక్షయ్ ను పొగుడ్తూ.. ప్రేమిస్తున్నానని చెప్పేసింది. మరి అక్షయ్ కుమార్ భార్య తమన్నా చేసిన కామెంట్లకు ఎలా స్పందించనుందోనని అందరూ ఆసక్తిగా ఎదురుచూస్తున్నారు.