ఎంత ముద్దుముద్దుగా వున్నావ్ అభయ్... సో స్వీట్!

Posted: 05/19/2015 05:29 PM IST

నందమూరి అభిమానులు ఎంతో ఆతృతగా ఎదురుచూస్తున్న నందమూరి అభయ్ రామ్ ఫస్ట్ లుక్ ఫోటోలు విడుదలయ్యాయి. యంగ్ టైగర్ ఎన్టీఆర్ వారసుడి ఎంట్రీ అదిరిపోయింది. ఎన్టీఆర్, ప్రణతీ దంపతులకు ఇటీవలే ఓ కొడుకు పుట్టినవిషయం తెలిసిందే. అయితే ఈ చిన్నారికి ‘అభయ్ రామ్’ అనే పేరు పెట్టారు.

అభయ్ రామ్ కు సంబంధించిన ఫోటోలు ఇప్పటి వరకు బయటకు రాలేదు. అయితే రేపు (మే 20) ఎన్టీఆర్ పుట్టినరోజు. ఈ సంధర్భంగా తన అభిమానులకు ఓ పెద్ద కానుకగా ఇవ్వాలనే వుద్దేశ్యంతో ఎన్టీఆర్ తన కొడుకు ఫోటోలను కొద్దిక్షణాల క్రితం తన సోషల్ మీడియా అకౌంట్ ద్వారా విడుదల చేసాడు.

ఈ విషయంపై ఎన్టీఆర్ చాలా సంతోషం వ్యక్తం చేస్తున్నాడు. ఈ ఫోటోలలో అభయ్ రామ్ చాలా ముద్దుముద్దుగా వున్నాడు. ఈ ఫోటోలను చూసిన నందమూరి అభిమానులు చాలా ఆనందం వ్యక్తం చేస్తున్నారు. ఇప్పటికే అభయ్ రామ్ సోషల్ మీడియాలలో భారీగా ట్రెండ్ అయ్యి, టాప్ స్థానంకోసం పోటీ పడుతున్నాడు. మరికొన్ని గంటల్లో టాప్ 1 స్థానంలో నిలిచిన ఆశ్చర్యపోవాల్సిన అవసరం లేదు. వెల్ కమ్ నందమూరి అభయ్ రామ్