Posted: 01/10/2012 01:50 PM IST

కోలీవుడ్ తో పాటు టాలీవుడ్ తన బరువైన భారీ అందాలతో భారీగా అభిమానులను సంపాదించుకున్న భామ నమిత. ఈమె అందాలకు ఫిదా అయిపోయిన అభిమానులు ఈమెకు గుడిని కూడా కట్టించారు. అంతలా అభిమానులను సంపాదించుకుని మంచి హాట్ హీరోయిన్ గా పేరు తెచ్చుకున్న నమిత పై  మధ్య కాలంలో తమిళ పత్రికల్లో ఓ వార్త ప్రచురితమైంది.

గత కొంత కాలం నుండి అంతంత మాత్రంగా అవకాశాలు వస్తుండటంతో హీరోయిన్ నుంచి వ్యాంపు క్యారెక్టర్లు, ఐటం గర్ల్ గా మారిన నమిత..... తన అందాలను ఆరబోస్తూ అభిమానులకు టచ్ లో ఉంటుంది. అవకాశాలు అంతగా లేకపోవడంతో ఖాళీగా ఉంటే ఏమస్తుందనుకుందో ఏమో కానీ గత కొంత కాలంగా ఓ వ్యక్తితో డేటింగ్ చేస్తుందట. ఆ వ్యక్తి ఎవరో కాదు. ఆమెకు పర్సనల్ లీగల్ అడ్వయిజర్ గా ఉన్న వ్యక్తి తోనే డేటింగ్ చేస్తుందని అనుకుంటున్నారు. త్వరలో వీరిద్దరు రిజిస్టర్ మ్యారేజ్ కూడా చేసుకోబోతున్నారని, ఎలాగు లాయర్ కాబట్టి పెళ్ళి ఎలాంటి లీగల్ ప్రాబ్లమ్స్ రాకుండా ఉండేందుకే అతనితో డేటింగ్ చేస్తుందని కూడా అనుకుంటున్నారు. అతను కూడా అన్ని విషయాల్లో లీగల్ గానే ప్రొసీడ్ అవుతున్నాడని అంటున్నారు.

మరి ఆనోట ఈ నోట ఈ విషయం తెలుసుకున్న నమిత ఈ పుకార్ల పై స్పందిస్తూ తాను లాయర్ ని కానీ, డాక్టర్ ని కాని లవ్ చేయడం లేదని, నేను ఎవరితో డేటింగ్ చేయడం లేదని నెత్తి నోరు కొట్టుంటూ చెప్పుకుంటుందట. తమిళ పత్రికలు చేసే ప్రచారం వట్టిదేనని నాకు ఎవరితో సంబంధాలు లేవని కూడా స్టేట్ మెంట్ ఇచ్చుకుంది. పనిలో పనిగా అభిమానులకు ఓ కమ్మటి వార్తను కూడా చెప్పింది.. నేను నటిగా ఇంకా నాలుగేళ్ళు కొనసాగుతానని అప్పటి వరకు పెళ్ళి చేసుకోనని చెప్పింది.  ఒక వేళ పెళ్లయిపోతే తమ అభిమాన తార బరువైన అందాలు అందాలు అందని ద్రాక్షలాగ మిగిలి పోతుందని బాధ పడిన అభిమానులు నమిత ప్రకటనతో కొంత ఊరట చెందారు. అంటే ఇంకో నాలుగేళ్ళు నమిత అందాలు చూడవచ్చన్న మాట.