Posted: 07/24/2012 04:55 PM IST

ఈ మద్య కాలంలో   రవితేజ కు  కలిసి రావటంలేదని ఫిలింనగర్ వాసులు అనుకుంటున్నారు.  వరుస ప్లాప్ లతో  రవితేజ ఉన్నాడని  అందరు అనుకుంటున్నారు.   ఇటీవల తీసిన  ‘నిప్పు ’  నీరులేకుండానే  ఆరిపోయిందని, అలాగే  రవితేజ , తెల్ల పిల్లతో వేసిన ‘దరువు’ తెలుగు ప్రేక్షకులకు చాలా బోర్ కొట్టించిందని  సినీ వర్గాలు అనుకుంటున్నాయి. అయితే  రీసెంట్ గా  పూరీ తో  తీసిన సినిమాపై  రవితేజ  ఆశలు పెట్టుకున్నట్లు తెలుస్తోంది. పూరీ జగన్నాధ్, రవితేజ కాంబినేషన్ లో రూపొంది విడుదలకు సిద్దమవుతున్న చిత్రం 'దేవుడు చేసిన మనుషులు'. ఈ చిత్రాన్ని ఆగస్టు 15న విడుదల చేయనున్నట్లు దర్శకుడు పూరీజగన్నాథ్‌  చెబుతున్నారు.  ఆయన ఈ చిత్రం ఆలస్యానికి కారణం తెలుపుతూ...సినిమా మొత్తం రెడీ అయింది. విడుదల కోసం అంతా ఎదురుచూస్తున్నారు. ఇతర పెద్ద చిత్రాలు విడుదల కావడంతో థియేటర్లు లేకపోవడం వల్ల సినిమా ఆలస్యమైంది. నా పాత చిత్రాల తరహాలోనే ఉంటూ ఎంటర్‌టైన్‌మెంట్‌ పాళ్ళు ఎక్కువగా ఉంటాయి. స్క్రీన్‌ప్లే కొత్తగా ఉంటుంది అని చెప్పారు.

ఈ చిత్రం కాన్సెప్టు గురించి పూరీ జగన్నాధ్ తెలుపుతూ... పెళ్లిళ్లు స్వర్గంలో నిర్ణయమవుతాయట. మరి ప్రేమ పుట్టుక కూడా అక్కడే జరుగుతుందా? ఎవరు ఎవరిని ప్రేమించాలో దేవుడే నిర్ణయిస్తాడా? ప్రేమ అనే కాదు... ఈ సృష్టిలోని సమస్త విషయాలకూ బీజం భగవంతుడే వేస్తాడు. దేవుడికి అదో ఆట. ఈసారి ఆయనకు మరో ఇద్దరు దొరికారు... ఏదో మాయ చేసి వారిద్దరి మధ్య ప్రేమ సృష్టించాడు. మరి ఆ జంట ప్రేమ ప్రయాణం ఎలా సాగిందో తెలుసుకోవాలంటే మా సినిమా చూడాలి చెబుతున్నారు. ఈ  సినిమా పై పూరీ పెద్దగా ఆశలు పెట్టుకోకపోయినా.. హీరో రవితేజ , హీరోయిన్ ఇలియానాలు మాత్రం  చాలా ఆశలు పెట్టుకున్నట్లు  చిత్ర యూనిట్ సభ్యులు చెబుతున్నారు.