Posted: 03/06/2013 04:16 PM IST

రెండో విడత క్రిష్ణా జిల్లాలో ప్రత్యేక  పాదయాత్ర చేస్తున్న  తెలుగుదేశం పార్టీ అధినేత  నారా చంద్రబాబు నాయడు  గుడివాడ పై ప్రత్యేక నిఘా పెట్టినట్లు  తెలుస్తోంది. చంద్రబాబు  అల్లుడు ( జూనియర్ ఎన్టీఆర్)  రీకమెండేషన్స్ తో  తెలుగుదేశం  పార్టీలో అడుగు పెట్టి ఎమ్మెల్యేగా గెలిచిన తరువాత   టీడీపీ పార్టీ వైఎస్ఆర్ కాంగ్రెస్ పార్టీ లోకి వెళ్లిన నాని పై చంద్రబాబు  ప్రత్యేక ద్రుష్టి పెట్టినట్లు తెలుస్తోంది. బావ పాదయాత్రతో పాటు బావమరిది బాలయ్య కూడా గుడివాడలో సందడి చేస్తున్నారు.  గుడివాడలో జరుగుతున్న పాదయాత్రలో  చంద్రబాబు , లోకేష్ బాబు,  భువనేశ్వరి,  నందమూరి  బాలయ్య  అందరు కలిసి గుడివాడపై ప్రత్యేక శ్రద్ద తీసుకోవటం జరిగింది. ఒకే సారి ఇంతమంది  తెలుగుదేశం అభిమానుల వద్దకు వెళ్లటంతో..  ప్రజలు ఆనందంతో .. భారీ సంఖ్యలో  పాదయాత్రలో పాల్గొంటున్నారు.

అసలు విషయం ఏమిటయ్యా అంటే?  ఎమ్మెల్యే నాని   మొన్నటి వరకు టిడిపిలో ఉండి.. ఒక్కసారిగా వైఎస్ఆర్ కాంగ్రెస్ పార్టీలోకి వెళ్లటంతో..  గుడివాడలో తెలుగుదేశం పార్టీని బలపరిచేందుకు  చంద్రబాబు కుటుంబ సభ్యులు వచ్చినట్లు తెలుస్తోంది. అంతేకాకుండా  సీనియర్ ఎన్టీఆర్  పుట్టిన ఊరు నిమ్మకూరు కూడా దగ్గరే ఉండటంతో..  సెంటిమెంట్  తో 2014 ఎన్నికల్లో  టీడీపీని గెలిపించుకోవాలనే కసితో చంద్రబాబు గుడివాడలో తిరుగుతున్నట్లు  ఆ పార్టీ నాయకులు అంటున్నారు.  టిడిపికి కంచు కోట ఉన్న గుడివాడ .. ఈసారి వైఎస్ఆర్ కాంగ్రెస్ పార్టీ  రాకతో .. టీడీపీ నాయకులు జంపు కావటంతో.. టిడిపి పెద్ద దెబ్బ తగిలినట్లు  గుడివాడ వాసులు చెబుతున్నారు. ఎలాగైన రాబోయో ఎన్నికల్లో టిడిపి ని గెలిపించుకోవటానికి  చంద్రబాబు  సెంటిమెంట్ తో  పాదయాత్రతో  చేస్తున్నారని  సీనియర్ పార్టీ నాయకులు అంటున్నారు. 

 

అయితే ఎమ్మెల్యే  నాని  మాత్రం  తెలుగు తమ్ముళ్లు కనిపిస్తే.. కాలుదువ్వుతున్నరని, అవసరమైతే  ముష్టి యుద్దానికి కూడా సిద్దపడుతున్నట్లు  జరిగిన రెండు సంఘటనలు తెలుపుతున్నాయి.   ఈ విషయం పై బాలయ్య నాని పై కోపంగా ఉన్నట్లు టిడిపి సీనియర్ నాయకులు అంటున్నారు. గుడివాడ రాజకీయంలో  ఎలాంటి మార్పు వస్తుందో 2014 ఎన్నికల్లో  వేచి చూడాలి. బావ –బావమరిది రాజకీయంతో   నానికి ఎలా  ఓడిస్తారో  చూడాలి?