ఆ సెంటిమెంట్ అమ్మడికి వరమయింది

Posted: 11/08/2014 01:14 PM IST

సెంటిమెంట్ ఆయింట్ మెంట్ మాదిరిగా పనిచేస్తుందని కొందరు విమర్శకులు చమత్కరించటం సహజమే. చాలామందికి కొన్ని సెంటిమెంట్లు ఉంటాయి వాటిని ఫాలో కావటానికే ఎక్కువగా అంతా ఆసక్తి చూపిస్తారు. హీరో ఆర్యకూడా సెంటిమెంట్ ఫాలో అవుతున్నాడు. ఈ తమిళ హీరోకు మిల్కీబ్యూటి అంటే సెంటిమెంట్ అట. అంటే ఆమె ఎదురు రావటమో.. ఇంకేదో చేయటమో కాదు. తమన్నాతో సినిమా తీస్తే అది హిట్ అవుతుంది..., ఎంత డబ్బు పెట్టినా తిరిగి వస్తుందని నమ్ముతున్నాడు.
అందుకేనేమో.., తమన్నాతో కొత్తగా సినిమా తీస్తున్నాడు. ఈ ప్రాజెక్టు నవంబర్ 10నుంచి షూటింగ్ జరుపుకోనుంది. ఓకేఓకే ఫేం రాజేష్ డైరెక్ట్ చేస్తున్న ఈ మూవీలో తమిళ సూపర్ కమెడియన్ సంతానం కీలక రోల్ పోషిస్తున్నాడు. ఇక్కడో విషయం ఏమిటంటే ఈ మూవీ ‘బాస్ ఎంగిర భాస్కరన్’ అనే మూవీకి సీక్వెల్ అని అనుకున్నారు. అయితే ఇది సీక్వెల్ కాదు, ఫ్రెష్ స్టోరీ అని మూవీ యూనిట్ ప్రకటించింది. అంతేకాకుండా ఇదో కామెడి ఎంటర్ టైనర్ సినిమా అని చెప్తున్నారు.

తమన్నాపై నమ్మకంతోనే ఆర్య స్వయంగా నిర్మాతగా మారి డబ్బులు ఖర్చుపెడుతున్నాడు. మరి ఆర్యుడి సెంటిమెంట్ వర్కవుట్ అవుతుందా... లేక తలనొప్పిగా మారుతుందా అనేది త్వరలో తెలియనుంది. ‘వరుడు’ సినిమాలో విలన్ గా తెలుగులో పాపులర్ అయిన ఆర్య ఆ తర్వాత నటించిన ఆరంభం, వర్ణ సినిమాలు మరింత ప్రజాదరణను తీసుకొచ్చాయి. దీనికి తోడు తమన్నాకు తెలుగు, తమిళ ప్రజల్లో క్రేజ్ ఉండటతో అమ్మడితో సినిమా అంటే ఫ్రీ పబ్లిసిటీ ఆ తర్వాత కలెక్షన్లు కూడా బాగానే ఉంటాయని భావించి స్థాయికి మించి రెమ్యునరేషన్ ఇచ్చేందుకు అంగీకరించాడని అంటున్నారు.

కార్తిక్