నేను అన్ని ఫార్మాట్లకు రెడీ

Posted: 10/08/2013 11:39 AM IST

జట్టులోకి వచ్చి చాలా కాలం అయినా, సరైన ఫాంను కొనసాగించలేక సతమతం అయి, ఇంకా సాధారణ ఆటగాడిలానే జట్టులో మిగిలిన రోహిత్ శర్మ మొన్నటి ఐపీల్ నుండి నిన్నటి ఛాంపియన్ లీగ్ వరకు ఆటగాడిగా, కెప్టెన్ గా రాణించి ముంబైకి రెండు టైటిళ్ళను సాధించి పెట్టిన సంగతి తెలిసిందే. ప్రస్తుతం తాను కొనసాగిస్తున్న ఫాం గురించి మాట్లాడుతూ... నేను గత కొన్ని సంవత్సరాలుగా అన్ని ఫార్మాట్లలో స్థానం కొసం వేచి చూస్తున్నాను. అవకాశం ఇస్తే తన సత్తా చాటుతానని చెప్పాడు.

అవకాశమిస్తే టెస్టుల్లోనూ ఇన్నింగ్స్‌ను ప్రారంభించేందుకు సిద్ధమన్నాడు. త్వరలోనే తన నిరీక్షణ ఫలించే అవకాశముందని రోహిత్ చెప్పాడు. భారత టెస్టు జట్టులోకి వచ్చేందుకు ఇదే సరైన తరుణమని అన్నాడు. 2010, 2011 సీజన్లలో టెస్టు జట్టుకు ఎంపికైనప్పటికీ దురదృష్టం అతన్ని వెంటాడింది. . ప్రస్తుతం వచ్చే నెలలో విండీస్‌తో జరిగే సిరీస్‌పై రోహిత్ ఆశలు పెట్టుకున్నాడు రోహిత్ శర్మ కోరిక నెరవేరాలని ఆశిద్దాం.