వార్నర్ సెంచరీతో భారీ స్కోరు దిశగా అసీస్

Posted: 01/06/2015 07:36 PM IST

బోర్డర్ - గవాస్కర్ ట్రోఫీలో భాగంగా టీమిండియాతో ఆస్ట్రేలియాలోని సిడ్ని క్రికెట్ గౌండ్స్ లో జరుగుతున్న భారత్, ఆస్ట్రేలియా నాలుగో టెస్ట్ తొలిరోజున ఆసీస్ జట్టు భార స్కోరు దిశగా వెళ్లింది. అసీస్ బ్యాట్స్ మెన్ లను కట్టడి చేయడానికి భారత బౌలర్లు విఫలయత్నం చేశారు. భారత బౌలర్లు తీవ్రంగా శ్రమించినా.. అసీస్ ఆటగాళ్లు తమ వాటిని ఎదుర్కోని పరుగుల వర్షం కురిపించారు. దీంతో తొలి రోజు ఆట ముగిసే సమయానికి అసీస్ 90 ఓవర్లలో రెండు వికెట్ల నష్టానికి 348 పరుగులు చేసింది.

తోలి రోజు ఆట ముగిసే సమయానికి షేన్ వాట్సన్ , కెప్టెన్ స్టీవ్ స్మిత్ లు హాఫ్ సెంచరీలతో క్రీజ్ లో ఉన్నారు. స్మిత్(82) పరుగులు చేసి మరోసారి ఆకట్టుకోగా, అతనికి జతగా వాట్సన్ (62) పరుగులతో ఆడుతున్నాడు. అంతకుముందు ఓపెనర్లు డేవిడ్ వార్నర్ (101), రోజర్స్ (95) పరుగులు చేసి పెవిలియన్ కు చేరారు. టాస్ గెలిచిన ఆసీస్ తొలుత బ్యాటింగ్ తీసుకుంది. టీమిండియా బౌలర్లలో అశ్విన్ , మహ్మద్ షమీలకు తలో వికెట్ దక్కింది. రెండవ రోజు భారత బౌలర్లు ఎలాంటి వ్యూహంతో ముందుకు వెళ్తారో వేచి చూడాల్సిందే.

జి మనోహర్