Posted: 12/15/2012 06:30 PM IST

గ్రూప్-2 పోస్టులను గ్రూప్-1లో విలీనం చేయటాన్ని వ్యతిరేకిస్తూ విశాఖలో ఆంధ్రా యూనివర్శిటీ విద్యార్థులు శనివారం ఆందోళనకు దిగారు. విద్యార్థులు తరగతులు బహిష్కరించి ఆందోళనకు దిగారు. క్యాంపస్లో పలుచోట్ల రాస్తారోకోలు నిర్వహించారు.గ్రూప్-2 పోస్టులను గ్రూప్-1లో విలీనం చేసి గ్రూప్-1ఏ, గ్రూప్-1బీగా మార్చడాన్ని విద్యార్థులు తీవ్రంగా ఖండించారు. సంబంధిత జీవోను వెంటనే రద్దు చేయాలని డిమాండ్ చేశారు. గ్రూప్-1లో గ్రూప్-2 పోస్టుల విలీనంవల్ల ఎస్సీ, ఎస్టీ, బీసీ విద్యార్థులకు తీరని అన్యాయం జరుగుతుందని విద్యార్థులు ఆవేదన వ్యక్తం చేశారు. ఈ చర్యను నిరసిస్తూ నేడు రాష్ట్రంలోని అన్ని విశ్వవిద్యాలయాల్లో బంద్ కొనసాగుతోంది.